Manchester-Liverpool (2-1)
Ferguson: 'Suarezek Liverpool lotsatu egiten du'
Erredakzioa
Jokalari uruguaiarrak Evra agurtzeari uko egin dio Manchester United-Liverpool partidaren hasieran.
Evra, Luis Suarezen aurrean gola ospatzen. Argazkia: EFE
Manchester Unitedek eta Liverpoolek indarrak neurtu dituzte Old Trafford futbol-zelaian eta partidaren hasieran Evra agurtzeari uki egin dio Luis Suarez uruguaiarrak. Suarezek zortzi partidako zigorra jaso zuen Evrari irain arrazistak egiteagatik.
Unitedeko atzelariak eskua emateko keinua egin zuen, baina Suarezek ez zion behar bezala erantzun. Alex Ferguson Manchester Unitedeko entrenatzailea harrituta agertu da prentsaurrekoan: "Ezin nuen sinetsi. Suarezek lotsagarri uzten du Liverpool", esan du.