Adierazpenak
Barçak Liga irabaztea 'zaila' dela aitortu du Leo Messik
Erredakzioa
"Puntu asko dira eta gainera oso ondo daudela erakusten ari dira. Indartsu daude, baina amaierara arte dena eman beharra dugu", adierazi du argentinarrak.
Leo Messi. Argazkia: EFE
"Errealista izanda, zaila da"", adierazi du Leo Messik FC Bartzelonak Liga irabazteko dituen aukerei buruz. Aldea (10 puntu) handia dela aitortu du eta, gainera, Mourinhoren gizonak "oso ondo" daudela iritzi dio. "Puntu asko dira eta gainera oso ondo daudela erakusten ari dira. Indartsu daude, baina amaierara arte dena eman beharra dugu".
Pep Guardiola entrenatzailearen kontratu berritzearen inguruan honakoa adierazi du argentinarrak: "Ez dakit berak zer pentsatzen duen. Haren erabakiaren zain gaude. Guk jarraitzea nahi dugu. Hausnartu behar du, urtero egiten du gauza bera", gogoratu du.