Bere talde ohia ikusteko Ronaldo San Mamesen izango al da?

Cristiano Ronaldo Real Madrileko jokalaria Europa Leagueko Athletic-Manchester United ikusteko San Mamesera etor daiteke. Ronaldok urteak eman zituen Ingalaterrako taldean eta bertan bilakatu zen gaur egun den izarra.

Jokalari zuria San Mameseko palkoan izango dela diote zurrumurruek sare sozialetan, baina informazioa ez du inork baieztatu. Ronaldok sei denboraldi eman zituen Manchester Uniteden, 2003tik 2009ra. Horrela, Ingalaterrako taldeari estimua izatea normala da eta gaurko neurketa ikustera etortzea ez litzateke batere arraroa izango.