Real Madrilek berdindu egin zuen Valentziaren aurka

Real Madrilek 0-0 berdindu zuen Valentziaren aurka Santiago Bernabeun eta horrek Ligako titulua eskuratzeko lehia estutu egin du. Egia da Madrileko taldeak ondo jokatu zuela eta garaipena lortzeko merituak egin zituela, baina ez ziren gola sartzeko gai izan.

Berdinketa honek asko estutzen du sailkapena goialdean. Real Madrilek 10 puntuko abantaila zuen Bartzelonarekin duela hilabete, eta gaur egun abantaila hori lau puntura murriztu da.

Fitxa teknikoa:

0 - Real Madril: Casillas; Arbeloa, Pepe, Raul Albiol, Marcelo; Khedira (Kaká, m.72), Xabi Alonso; Özil (Callejón, m.89), Cristiano Ronaldo, Benzema; eta Higuain (Di Maria, m.46).

0 - Valentzia: Guaita; Ricardo Costa, Rami, Víctor Ruiz, Jordi Alba; Topal, Dani Parejo, Tino Costa, Feghouli (Pablo Hernández, m.62), Piatti (Mathieu, m.62); eta Aduriz (Soldado, m.77).

Epailea: Clos Gomez.