Itxi

4-0 irabazi dio Getaferi

Bartzelona, Real Madrilengandik puntu bakarrera

Erredakzioa

Blaugranek 4-0 irabazi diote Getaferi Camp Noun eta liderrarengana gerturatzen jarraitzen dute. Talde merengeak asteazkenean jokatuko du Ligako partida Atletico Madrilen aurka.

Guardiola Getaferen aurka lortutako garaipena (4-0) ospatzen. Argazkia: EFE

Bartzelonak 4-0 irabazi dio Getaferi Camp Noun eta Real Madrilengandik puntu bakarrera kokatu da. Hori bai, merengeek partida bat gutxiago dute. Mourinhok zuzentzen duen taldeak Atletico Madrilen aurka jokatuko du madrildarren arteko derbia asteazken honetan.

Getaferen aurka ez du joko zoragarria egin Bartzelonak, baina Guardiolak zuzentzen dituen mutilak praktikoak izan dira. Alexisek sartu du 1-0ekoa 13. minutuan eta Messik, 2-0ekoa egin du atsedenaldira iritsi orduko, 44. minutuan.

Bigarren zatiaren hasieran Getafe saiatu egin da Barçari arazoak sortzen, baina blaugranek azkar erreakzionatu dute eta baloiaren jabe egin dira. Alexisek 3-0ekoa sartu du eta Pedrok gaua biribildu du 4-0ekoa eginda.

Partidako fitxa:

4. Bartzelona: Valdes; Mascherano (Muniesa, 84'), Puyol, Adriano (Montoya, 75'); Sergio Busquets, Xavi, Messi, Iniesta; Pedro (Tello, 80'), Alexis eta Cuenca.

0. Getafe: Moya; Miguel Torres, Cata Diaz, Alexis, Masilela; Casquero, Juan Rodriguez (Barrada, 69'), Ruben Perez, Rios (Artoyo, 89'); Diego Castro (Gavilan, 69') eta Miku.

Golak: 1-0, 13': Alexis. 2-0, 44': Messi. 3-0, 73': Alexis. 4-0, 74': Pedro.
Epailea: Gonzalez Gonzalez.


Albisteak (1)