Federazioa Kopa
Lemoak Binissalem hartuko du arratsalde honetan Arlonagusian
Erredakzioa
Arratiako taldeak 5-0 galdu zuen joaneko neurketan, baina zaleen aurrean aurpegia emateko aukera bikaina izango dute jokalariek. Jarraitu norgehiagoka zuzenean eitb.com-en 19:00etatik aurrera.
Argazkia: EITB
Lemoak Binissalem hartuko du arratsalde honetan Arlonagusian (19:00etan), Federazioa Kopako finaleko itzulerako norgehiagokan. Talde bizkaitarrak 5-0 galdu zuen joaneko neurketan, baina jokalariek ez dute amore eman nahi eta zaleen aurrean borrokatzeko asmoa dute.
Arratiako taldea Hirugarren Mailara jaitsi da eta jokalariek ez dute denboraldi honetan kobratu. Hala ere, txapelketa irabaztea saria izango litzateke, irabazleak 90.000 euro eta txapeldunordeak 30.000 euro eskuratzen dituelako.
Jarraitu itzulerako partida eitb.com-en 19:00etatik aurrera.