Larunbatean, 20:00etan
Karanka: 'Gure eskuetan dagoena egingo dugu'
Erredakzioa
"Taldea gogotsu eta planteamendu berdinarekin joango da, gure eskuetan dagoena egingo dugu", ziurtatu du Real Madrileko bigarren entrenatzaileak.
Aitor Karanka Real Madrileko bigarren entrenatzailea. Argazkia: EFE
Bartzelonaren aurkako larunbateko partida nola planteatuko duten argi utzi du Aitor Karanka Real Madrileko bigarren entrenatzaileak. Estrategiaren "ideia aldatzeko" arriskurik ez dagoela esan du Karankak, nahiz eta Liga jokoan egon.
"Camp Noura joan garen azken hiru aldietan eramandako planteamendu bera plazaratuko dugu partidan, gure eskuetan dagoena egingo dugu. Azken bisitetan golak sartu ditugu, gertu egon gara, horrela ez dago planteamendua zertan aldatzerik. Taldea gogotsu eta planteamendu berdinarekin joango da, gure eskuetan dagoena egingo dugu", ziurtatu du prentsaurrekoan.