Ronaldo: 'Messi baino hobea naiz'

"Messi baino hobea naiz eta Real Madril Bartzelona baino hobea", esan du Cristiano Ronaldo Real Madrileko aurrelari portugaldarrak CNNko Worl Sport saioan.

"Ferrari eta Porsche bat alderatzerik ez dago, motor ezberdinak dituztelako", erantsi du Real Madrileko izarrak.

Bestalde, Jose Mourinho entrenatzailearen inguruan galdetu diote Ronaldori elkarrizketan. "Mourinho oso apala da, beti txantxetan ari gara, entrenatzaile gisa ezberdina da, serioa eta profesionala, eta horregatik irabazi ditu txapelketak. Niretzako onena da, ez bakarrik lanagatik, erabiltzen dituen taktikak eta jokalariak ezin hobeto motibatzen dituelako baizik. Entrenatu duen herrialde guztietan irabazi du eta hori gauza handia da", adierazi du.