Adelante Liga
Celtak Lehen Mailara igotzea lortu du
Erredakzioa
Vigoko taldeak 0-0 berdindu du Kordobaren aurka Balaidosen eta puntua eskuratuta, BBVA Ligara igo da. Valladolidek, Alcorconek, Kordobak eta Herculesek jokatuko dute igoera playoffa.
Celtak BBVA Ligara igotzea lortu du. Argazkia: EFE
Azken jardunaldian, Valladolidek eta Celtak zuten BBVA Ligara zuzenean igotzeko aukera. Pucelakoek garaipena lortu eta Celtak galtzea behar zuten. Vigokoek, ordea, nahikoa zuten Kordobaren aurka berdintzearekin. Balaidosen Celtak 0-0 berdindu du Kordobaren aurka eta horrekin nahikoa izan du matematikoki igoera lortzeko. Dena den, Valladolidek 1-3 galdu du Guadalajaren aurka eta igoera zuzena lortzeko aukera gabe geratu dira.
Valladolidek igoera play-offa jokatuko du Alcorconekin, Kordobarekin eta Herculesekin batera. Play-offa irabazten duen taldeak BBVA Ligara igotzea lortuko du.