Agurra
Gerard Piquek futbola utziko duela iragarri du
AGENTZIAK | EITB MEDIA
Piquek azpimarratu du ez duela beste klub batean jokatuko. Hala, amaiera emango dio Bartzelonako lehen taldeko ibilbideari, hamalau denboraldiren ondoren.
Gerard Pique. Argazkia: EFE
Gerard Pique Bartzelonako atzelariak futbola utziko duela iragarri du, eta datorren larunbatean Almeriaren aurka jokatuko duen partida izango da Camp Noun jokatuko duen azkena, sare sozialetan argitaratu duen bideo baten arabera.
"Larunbat honetan izango da nire azken partida Camp Noun. Beste 'culer' bat izango naiz, taldea animatuko dut, eta Barçarekiko maitasuna transmitituko diet nire seme-alabei, nire familiak nirekin egin zuen bezala", dio Piquek "Culers, gauza bat kontatu behar dizuet" izeneko bideoan.
Bideoan, Piquek azpimarratu du ez duela beste klub batean jokatuko. Piquek (35 urte) amaiera emango dio Bartzelonako lehen taldeko ibilbideari hamalau denboraldiren ondoren.