FINAL-HAMASEIRENAK
Osasuna eta Alaves Erreginaren Kopako final-zortzirenetara igaro dira aurkariak garaituta
I. G. | EITB MEDIA
Nafarrak aurkariak baino gehiago izan dira, eta gasteiztarrek eurenak gainditu behar izan dituzte penaltietan.
Osaunako jokalariak gol bat ospatzen. Argazkia: @Osasuna_fem
Osasunak 2-0 irabazi du Erreginaren Kopan Sporting Huelva txapeldunordeen aurka, Iara eta Mar jokalarien golei esker. Bien bitartean, Alaves Gloriosasek 120 minututik aurrera borrokatu behar izan du, penaltietaraino, hurrengo kanporaketarako txartela lortzeko.
Sporting Huelva laster saiatu da jokoaren kontrola bereganatzen eta lehen momentuetan abisatu dute. Lehen susto hori gorabehera, gorritxoek euren zelaian indar egiten jakin dute, hurbilketa arriskutsuak eragotziz eta trantsizio arriskutsuak bilatuz.
Bigarren zatian gorritxoek jokoaren kontrola bereganatzen jakin dute, baina 1-0ekoa ez da aldaketetara arte iritsi. 65. minutuan, Iarak Zugastiren jaurtiketa baten aldaratzea aprobetxatu du lehenengoa sartzeko. Abantaila izan arren, Osasuna ez da erlaxatu eta aukera gehiago sortzen jakin du. Azkenean, Marrek partida erabakita uztea lortu du, 80. minutuan falta bat buruz errematatu ondoren.
Bestalde, Gloriosasek penaltietaraino borrokatu behar izan du garaipena lortzeko. Jana Xin da, zalantzarik gabe, kanporaketa honetako emakumeetako bat, Real Oviedoren lehen hiru penaltiak gelditzeko gai izan baita, Alavesek beti kontrolpean izan duen txandan.
Real Oviedok aurrea hartu du markagailuan Alejandraren golari esker 37. minutuan, baina atsedenaldiaren atarian Miriamek taulak itzuli ditu markagailura. Penaltietan, Alaveseko atezainak etxekoen jaurtiketa guztiak gelditu ditu, 0-3ko emaitza eskuratuz.
Horrela, Osasuna eta Alaves final-zortzirenetarako sailkatuta daude.