Errege Kopa
Logroñes-Reala, Eldense-Athletic, Nastic-Osasuna eta Alaves-Valladolid, final-hamaseirenetako kanporaketak
EITB Media
Lehen Mailako hiru euskal taldeek etxetik kanpo jokatuko dute. Bestalde, Arabako taldeari Mendizorrotzan jokatzea egokitu zaio.
Errege Kopako final-hamaseirenetako zozketako irudia. Argazkia: RFEF
Errege Kopan jarraitzen duten lau euskal taldeek ostiral honetan (abenduak 23) ezagutu dituzte final-hamaseirenetako aurkariak, Espainiako Futbol Federazioaren Las Rozasko (Madril) egoitzan egin den zozketan. Norgehiagokak urtarrilaren 3, 4 eta 5ean jokatuko dira.
Lehen Mailako hiru euskal taldeek Lehen RFEF Mailako aurkariak izango dituzte; Reala Logroñesen kontra lehiatuko da, Athleticek Eldense izango du aurkari eta Osasunak Nasticekin neurtuko ditu indarrak. Txuri-urdinek, zuri-gorriek eta gorritxoek etxetik kanpo jokatuko dute.
Bestalde, Alavesek Valladolid hartuko du Mendizorrotzan. Beraz, Bigarren Mailan dagoen Gasteizko taldeak Lehen Mailako aurkaria izango du aurrean.
Final-hamaseirenetako kanporaketak:
UD Logroñes - Reala
Eldense - Athletic Club
Nastic - Osasuna
Alaves - Valladolid
Ibiza Islas Pitiusas - Betis
Cacereño - Real Madril
Intercity - Bartzelona
La Nucia - Valentzia
Pontevedra - Mallorca
Linares - Sevilla
Ceuta - Elx
Levante - Getafe
Oviedo - Atletico Madril
Cartagena - Vila-real
Sporting Gijon - Rayo Vallecano
Espanyol - Celta