2023-24 DENBORALDIA
Noiz jokatuko dira 2023-24 denboraldiko Liga Txapelketako euskal derbiak?
EITB MEDIA
Euskal taldeen arteko lehendabiziko lehia bigarren jardunaldiarekin batera iritsiko da, eta Osasuna eta Athletic arituko dira nor baino nor gehiago, Sadarren.
Manu Sanchez eta Nico Williams, Sadarren jokatutako Osasuna-Athletic derbian. Argazkia: EFE
Reala (2022-23 Santander Ligako laugarren sailkatua), Osasuna (zazpigarrena), Athletic (zortzigarrena) eta Alaves (Bigarren Mailatik igo berria) izango dira euskal futbolaren ordezkariak 2023-24 denboraldian. Egutegia ostegun honetan zozkatu da, eta, beraz, jakina da noiz jokatuko dituzten hurrengo denboraldiko euskal derbiak, data zehatzak oraindik jakin ez arren.
LEHEN ITZULIA:
2. jardunaldia (abuztuak 20): Osasuna-Athletic
6. jardunaldia (irailak 24): Alaves-Athletic
8. jardunaldia (urriak 1): Reala-Athletic eta Alaves-Osasuna
15. jardunaldia (abenduak 3): Osasuna-Reala
19. jardunaldia (urtarrilak 3): Reala-Alaves
BIGARREN ITZULIA:
20. jardunaldia (urtarrilak 13): Athletic-Reala
24. jardunaldia (otsailak 11): Reala-Osasuna
27. jardunaldia (martxoak 3): Osasuna-Alaves
29. jardunaldia (martxoak 17): Athletic-Alaves
30. jardunaldia (martxoak 31): Alaves-Reala
35. jardunaldia (maiatzak 12): Athletic-Osasuna