ZOZKETA
Amorebieta-Levante eta Racing Santander-Eibar, Bigarren Mailako lehen jardunaldian
AGENTZIAK | EITB MEDIA
Bi euskal taldeen arteko derbiak txapelketako 10. eta 38. jardunaldietan jokatuko dira.
Futbol baloiak. Argazkia: EFE
Amorebieta-Levante eta Racing Santander-Eibar partidak egokitu zaizkie Bigarren Mailako bi euskal taldeei 2023-2024 denboraldiko lehen jardunaldirako, Espainiako Futbol Federazioak asteazken honetan Las Rozaseko Futbolaren Hirian egin duen zozketan.
Txapelketako lehen jardunaldia abuztuaren 11-13ko asteburuan jokatuko dute. Liga erregularra amaitu ondoren (ekainaren 2an), igoera-fasea egingo dute, hilaren 9tik 23ra bitartean, eta hirugarrenaren eta seigarrenaren artean amaitzen duten taldeek parte hartuko dute.
Euskal derbiak
Bi euskal taldeen arteko derbiei dagokienez, 10. jardunaldian (urriaren 8ko asteburuan) eta 38. jardunaldian (maiatzaren 5eko asteburuan) iritsiko dira. Lehenengoa Lezaman jokatuko dute (Amorebieta-Eibar) eta Ipuruan, bigarrena (Eibar-Amorebieta).
1. JARDUNALDIA
Albacete-Espanyol
Amorebieta-Levante
Burgos-Huesca
Cartagena-Eldense
Elx-Racing Ferrol
Mirandes-Alcorcon
Leganes-Andorra
Racing Santander-Eibar
Tenerife-Oviedo
Valladolid-Sporting Gijon
Zaragoza-Vila-real B
42. JARDUNALDIA
Alcorcon-Burgos
Andorra-Racing Ferrol
Eibar-Oviedo
Eldense-Sporting Gijon
Huesca-Levante
Tenerife-Valladolid
Zaragoza-Albacete
Mirandes-Amorebieta
Espanyol-Cartagena
Leganes-Elx
Villareal B-Racing Santander