Rubiales auzia
FIFAk Luis Rubiales hiru urtez zigortzea erabaki du
AGENTZIAK | EITB MEDIA
FIFAren Diziplina Batzordearen arabera, erakundearen kodearen 13. artikulua urratu du Rubialesek. Ezin izango du futbolarekin zerikusia duen jardueretan parte hartu. Espainiako Federazioaren presidente ohiak iragarri du "apelazioa" aurkeztuko duela.
Luis Rubiales, artxiboko irudi batean. EFE
FIFAk astelehen honetan jakinarazi duenez, Luis Rubiales Espainiako Futbol Federazioko presidente ohia hiru urtez zigortuko du, futbolarekin zerikusia duen jarduera orotik kanpo utzita, Espainian eta beste edonon. Futbol arloko munduko erakunde gorenaren Diziplina Batzordearen arabera, FIFAren kodearen 13. artikulua urratu du Rubialesek.
Erabakia gaur, astelehena, jakinarazi diote Rubialesi. Orain, FIFAren Diziplina Kodeari jarraiki, hamar eguneko epea du arrazoitutako erabakia eskatzeko. "Apelazio Batzordean helegitea jartzeko aukera du", jakinarazi du erakundeak.
"Pertsona guztien osotasuna babesteko eta errespetatzeko erabateko konpromisoa" berretsi du FIFAk, "jarrera zibikoaren oinarrizko arauak errespeta daitezen" zaintzeaz gain.
Rubialesek "apelazioa" aurkeztuko du
FIFAk Diziplina Batzordearen erabakiaren berri eman ondoren, Luis Rubialesek, X sare sozialean duen kontuaren bidez, zehaztu du "azken instantziaraino" iritsiko dela, "justizia egin eta egia azaltzeko", eta, horrez gain, Munduko Txapelketako finalaren ostean ireki zioten jardunbidearen gaineko iritzia eman du.
DECISIÓN FIFA:
— Luis Rubiales (@LuisRubiales17) October 30, 2023
Llegaré hasta la última instancia para que se haga justicia y resplandezca la verdad¿
Por muchos esfuerzos de algunos políticos, medios e instituciones, cada vez está más clara la desproporción e injusticia cometida¿
LA GENTE, MUY MAYORITARIAMENTE, LO TIENE CLARO pic.twitter.com/3z7hKMDw2R