24 milioi eurogatik
Manchester Unitedek Van Persie fitxatu du
Erredakzioa
Fergusonek zuzentzen duen taldeak 24 milioi euro ordaindu dizkio Arsenali aurrelari holandarra fitxatzeko. Londreseko taldeak beste aurrelari bat behar du, eta Fernando Llorente fitxatzen saiatuko da.
Van Persiek Arsenal utzi, eta Manchester Uniteden jokatuko du. Argazkia: EFE
Manchester Unitedek Robin Van Persie Arsenaleko aurrelaria fitxatu du. Unitedek 24 milioi euro ordaindu dizkio Arsenali aurrelari holandarragatik, eta orain, Alex Fergusonek Europako aurrealde onena duela esan dezake Rooneyrekin eta Van Persierekin.
Arsenalek bere aurrelari onena galdu du, eta ordezko bila ari dira jada. Londreseko taldeak Fernando Llorente Athleticeko aurrelaria fitxatu nahi duela esaten du Ingalaterrako hiriburuko prentsak.