Fitxaketa
Cesar Azpilicueta fitxatu du Chelseak
Erredakzioa
Londresko taldeak Olympique Marseillatik fitxatu du atzelari nafarra.
Cesar Azpilicueta, Olympique Marseillatik Chelseara. Argazkia: EFE.
Chelseak Cesar Azpilicueta futbolariaren fitxaketaren berri eman du. Euskal futbolariak Olympique Marseilla talde frantziarrean eman ditu azken bi denboraldiak. “Chelsea Football Club Azpilicuetaren fitxaketagatik oso pozik dago”, esan du taldeak bere Interneteko atarian.
Londresko klubak ez ditu Azpilicuetarengatik ordaindu duena edo kontratuaren luzeera aditzera eman. Nafarrak Osasunako harrobian hasi zuen ibilbidea, eta azken bi denboraldiak Olympique Marseillan eman ditu. Frantziako taldean 69 partida jokatu ditu, Frantziako Kopa eta Superkopa irabazita.
Nafarra Chelseako bosgarren fitxaketa da. Ingalaterrako taldeak Oscar brasildarra, Marko Marin alemaniarra eta Eden eta Thorgan Hazard belgikarrak ere fitxatu ditu.