Lan saioetara itzuli da
Cristiano Ronaldo: 'Ez nago kontratuekin arduratuta'
Erredakzioa
Jokalari portugaldarrak Facebookean publikatu duenez, bere taldekideen eta Real Madrileko zaleen laguntzarekin titulu guztiak irabazi nahi ditu, eta hori bakkarik dauka buruan.
Cristiano Ronaldo Ander Iturrasperekin lehian iazko Real Madril-Athletic partidan. Argazkia: EFE
Cristiano Ronaldok Facebookean adierazi duenez, ez dago kontratuekin arduratuta. Portugaleko jokalariaren nahia, jokoan dauden titulu guztiak irabaztea da.
“Nire taldearekin jokatzen ditudan partida guztiak irabaztea dut helburu, eta horretan bakarrik nago kontzentratuta”, idatzi du Cristianok.
Kontratuek eta diru kontuek ez dutela arduratzen gaineratu du: “Kontratuek ez naute kezkatzen. Nire teladekideen eta Real Madrileko zaleen laguntzarekin, jokoan ditugun tituluak irabaztea besterik ez dut buruan”.
Irailaren 2an Real Madrilek Granadaren aurka jokatu zuen, eta Cristiano Ronaldok bi gol sartu zituen. Jokalari portugaldarrak ez zituen golak ospatu, eta prentsaren aurrean “triste” zegoela esan zuen.