Erregina Kopa
Zaragoza-Osasuna eta Alaves-Logroño, Kopako bigarren kanporaketan
EITB Media
Gorritxoek etxetik kanpo jokatuko dute Aragoiko taldearen aurka eta Gloriosasek etxean hartuko du Errioxako taldea. Neurketak urriaren 2an jokatuko dira. Hurrengo kanporaketan F Ligako taldeak sartuko dira lehian.
Osasunako jokalariak lehen kanporaketan Racingi sartutako gol bat ospatzen. Argazkia: @Osasuna_fem
Osasunak eta Alavesek badakite zeintzuk izango dituzten aurkari Erregina Kopako bigarren kanporaketan. Zozketa asteartean egin da, irailaren 17an, Las Rozasen (Madril).
Alavesek etxean jokatuko du DUX Logroñoren kontra eta Osasunak bisita egingo dio Zaragozari. Neurketak urriaren 2an jokatuko direla jakinarazi du Espainiako Futbol Federazioak, baina ez ditu ordutegiak zehaztu.
Hurrengo kanporaketan F Ligako taldeak sartuko dira lehian.
Erregina Kopako 2. kanporaketak:
Cordoba-Cacereño
Sporting Gijon-Deportivo Coruña
Zaragoza-Osasuna
FC Tenerife-Getafe
Alhama-Alba Fundacion
Espanyol-Aem SE
Guiniguada Apolinario-Femarguin Spar Gran Canaria
Alaves-DUX Logroño