Reala-Athletic, Anoetan
Polemikarik gabeko derbia
@IsuskoAB
Azken urteetan Realaren eta Athleticen arteko neurketetan ez da partida aurretik polemikarik egon eta giroa ona izan da zaleen artean.
Reala-Athletic, iaz. Argazkia: EFE
Larunbatean iluntzeko 20:00etan Anoetako futbol-zelaian hasiko da zuri-gorrien eta txuri-urdinen, edota bizkaitarren eta gipuzkoarren, edota Athleticen eta Realaren arteko derbia.
Baina, eguna askoz lehenago hasiko da. Donostiako Alde Zaharrean bi taldeetako zaleak euren elastikoekin jantzita kolorez jantziko dituzte kaleak ikurrinekin batera.
Aspaldi ez da gertatzen, baina urteak urte, derbietako asteak nahiko polemikoak izaten ziren. Adierazpenak, eztabaidak, aspaldiko kontuak... etab.
Egun, jardunaldi polita dugu euskal derbia. Lagunekin egoteko eguna eta norberak bere taldearen alde egiteko eguna giro bikain batean. Athletic, Real, Atlhetic, Real! ohiuak ezinbestekoak dira eta berriro ere entzungo dira larunbatean.
Iaz Athleticek bat eta bi gainditu zuen Reala Anoetan eta San Mamesen ere zuri-gorriek lortu zuten garaipena, beraz, realzaleak gogotsu egongo dira puntuak etxean geratzeko.
Fitxa teknikoa:
1.- Reala: Bravo; Carlos Martinez, Demidov, Iñigo Martinez, De la Bella; Illarramendi, Xabi Prieto, Griezmann (Joseba Llorente, 82. minutuan), Mariga, Zurutuza (Sarpong, 78. minutuan); Agirretxe.
2.-Athletic: Iraizoz; Iraola, Javi Martinez (San Jose, 61. minutuan), Amorebieta, Aurtenetxe; Gurpegi, Susaeta (Toquero, 87. minutuan), De Marcos, Muniain, Gabilondo (Iturraspe, 58. minutuan); Fernando Llorente.
Golak: 0-1, 33. minutuan: Fernando Llorente. 1-1, 59. minutuan: Iñigo Martinez. 1-2, 70. minutuan: Fernando Llorente.