Errege Kopa
Conquense-Reala, Minera-Alaves, Ceuta-Osasuna eta Barakaldo-Racing Ferrol, Kopako 2. kanporaketako partidak
Bizkaiko taldeak etxean jokatuko du kanporaketa; EA Sports Ligako taldeek, aldiz, kanpoan. Neurketak abenduaren 3, 4 eta 5ean jokatuko dira.
Errege Kopako garaikurra. Argazkia: RFEF
Zehaztuta daude jada Errege Kopako bigarren kanporaketako partidak. Zozketa Espainiako Futbol Federazioaren Las Rozaseko (Madril) Futbolaren Hirian egin da. Athletic, Real Madril, Bartzelona eta Mallorca taldeak salbuetsita daude, Espainiako Superkopa jokatuko dutelako. Hurrengo kanporaketan ekingo diete txapelketari.
Osasuna, Reala, Alaves eta Barakaldo dira bigarren kanporaketa honetan lehiatuko diren Euskal Herriko taldeak. Lauretatik Bizkaiko taldea da maila baxuenean dagoena, eta Racing Ferrol izango du aurkari. Bigarren Mailako taldearen kontrako kanporaketa Lasesarren (Barakaldo) jokatuko da.
Babazorroek, txuri-urdinek eta gorritxoek etxetik kanpo jokatuko dute. Osasunak Ceuta izango du aurkari, Realak Conquenseren kontra jokatuko du, eta Alaves Deportiva Mineraren aurka ariko da.
Neurketak abenduaren 3, 4 eta 5ean jokatuko dira.
Errege Kopako 2. kanporaketako partidak:
Salamanca CF - Celta
UD Logroñes - Girona
Barbastro - Espanyol
Europa - Las Palmas
Ejea - Valencia
Pontevedra - Vila-real
Cacereño - Atletico Madril
Avila - Valladolid
Olot - Sevilla
Sant Andreu - Betis
Estepona - Leganes
Deportiva Minera - Alaves
Conquense - Real Sociedad
Orihuela - Getafe
Unionistas Salamanca - Rayo Vallecano
Ceuta - Osasuna
Ponferradina - Castello
Barakaldo - Racing Ferrol
Gimnastic Tarragona - Huesca
Ourense - Deportivo Coruña
Yeclano - Elx
Marbella - Burgos
Cultural Leonesa - Almeria
Andorra - Cartagena
Zamora - Tenerife
Cadiz - Eldense
Racing Santander - Sporting Gijon
Zaragoza - Granada