Vila-real eta Girona, Kopatik at

Ezustekoak bata bestearen ostean iristen ari dira 2024-2025 Errege Kopako bigarren kanporaketan. Abenduaren 3an Espanyol kanporatu zuen Barbastrok eta hilaren 4an Vila-real eta Girona geratu dira txapelketatik at.

UD Logroñesek Girona menderatu du; partida berdinduta amaitu da (0-0) luzapena barne, eta penalti jaurtiketetan nagusitu da Logroñes (4-3). Horrez gain, Pontevedrak 0-1 irabazi dio Vila-reali eta Castelloko taldea kanporatu du. 

Rayo Vallecanok eta Leganesek asko sufritu dute aurrera egiteko. Rayok 2-3 irabazi dio Unionistas Salamancari, 2-0 galtzen hasi ostean, eta Leganes penalti jaurtiketetan nagusitu da Esteponaren aurka (2-2 eta 4-5 penaltietan). Betisek eta Valentziak garaipenak bereganatu dituzte Sant Andreuren eta Ejearen aurka, hurrenez hurren, 1-3ko emaitzekin.

Bestalde, Ourensek Deportivo kanporatu du (1-0), Huescak Nastici irabazi dio (0-1), Eldense Cadizi gailendu zaio (0-1), Racing Santanderrek 1-0 irabazi dio Sporting Gijoni, Almeria garaile atera da Cultural Leonesaren kontrako lehiatik (1-2) eta Tenerifek Zamora utzi du Kopatik kanpo, penalti jaurtiketetan nagusituta (0-0 eta 1-3 penaltietan).

Abenduaren 4ko Errege Kopako 2. kanporaketako partiden emaitzak:

Unionistas Salamanca - Rayo Vallecano (2-3)

Sant Andreu - Betis (1-3)

Gimnastic Tarragona - Huesca (0-1)

Cadiz - Eldense (0-1)

Ourense - Deportivo (1-0)

Cultural Leonesa - Almeria (1-2)

Racing Santander - Sporting Gijon (1-0)

Pontevedra - Vila-real (1-0)

Estepona - Leganes (2-2 eta 4-5 penaltietan)

UD Logroñes - Girona (0-0 eta 4-3 penaltietan)

Ejea - Valentzia (1-3)

Zamora - Tenerife (0-0 eta 1-3 penaltietan)