Leioa eta Atletico Cirbonero, lidergoan

Leioa eta Atletico Cirbonero dira IV. eta XV. multzoetako liderrak, Hirugarren Mailako ligetako hamar jarndualdi jokatuta.

Talde bizkaitarrak 0-2 irabazi zion Pasaiari, eta beraiekin berdinduta zeuden Laudiok eta Basconiak kale egin zuten. Leioak 22 puntu ditu. Laudiok 0-3 galdu zuen Bermeoren aurka, eta Basconiak 1-0 galdu zuen Zallaren aurka. Laudio bigarren postuan dago 19 punturekin, eta puntu kopuru berdinarekin daude Basconia (hirugarren) eta Zalla (laugarren). Bermeo eta Cultural Durango, bosgarren eta seigarren sailkatuak dira hurrenez hurren, 18na punturekon.

Aurrera de Vitoria (18. postuan, 8 punturekin), Alaves B (19. postuan, 8 punturekin) eta Anaitasuna FT (20. postuan, 5 punturekin) daude jaitsiera postuetan.

XV. multzoan Atletico Cirbonerok ez du kale egiten. Astebeuru honetan 1-3 irabazi diote Lagun Arteari, eta 25 punturekin lidergoan daude Cintruenigokoak. Cortes dago bigarren postuan 24 punturekin, eta asteburu honetan 0-1 irabazi zioten. Mutilverak (21 puntu) hirugarren postua mantentzen du, laugarren sailkatua den Iruñaren aurka 2-1 galdu ondoren. Iruñak, 20 puntu ditu.

Idoya (18. postua, 4 punturekin), Lagunak (19. postua, 3 punturekin) eta Aoiz (20. postuan, puntu bakarrarekin) daude jaitsiera postuetan.

10. jardunaldiko emaitzak, IV. multzoan:

Santutxu FC 1 - 4 Balmaseda FC
Club Portugalete 2 - 3 CD Getxo
SD Zamudio 1 - 0 CD Elgoibar
CD Lagun Onak 1 - 1 CD Aurrera Vitoria
Pasaia KE 0 - 2 SD Leioa
SD Gernika 2 - 2 SD Beasain
CD Laudio FSR 0 - 3 Club Bermeo
Zalla UC 1 - 0 CD Basconia
Arenas Club 3 - 2 Anaitasuna FT
Deportivo Alaves B 1 - 2 SCD Durango

10. jardunaldiko emaitzak, XV. multzoan::

CD Iruña 2 - 1 UD Mutilvera
UDC Txantrea KKE 3 - 0 CD Oberena
SD Lagunak 1 - 2 UCD Burlades
AD San Juan 0 - 1 CD Cortes
Club Atlético Valtierrano 2 - 3 CD Erriberri
CD Subiza 3 - 1 CD Peña Azagresa
CD Valle de Egues 3 - 0 CD Pamplona
CD Lagun Artea 1 - 3 Club Atletico Cirbonero
CD Idoya 0 - 1 CD Huarte
CD Murchante 2 - 0 CD Aoiz