Kontratu-berritzea
Mendilibarrek kontratua berritu du Olympiakosekin, 2026ra arte
EITB Media
Greziako kluba eta euskal entrenatzaileak akordioa sinatu dute bi aldeak lotzen dituen kontratua 2026ko ekainaren 30era arte luzatzeko.
Jose Luis Mendilibar, Olympiakoseko entrenatzailea. Argazkia: EITB Media
Jose Luis Mendilibarrek 2026ko ekainaren 30era arte berritu du kontratua Olympiakosekin, Greziako taldeak martxoaren 10ean sare sozialetan jakinarazi duenez.
Zaldibarkoak (Bizkaia) taldea bizirik du hiru txapelketetan (Liga, Kopa eta Europa Liga), baina Europa Ligan 3-0 galdu zuen Bodo/Glimten aurka final-zortzirenetako joaneko partida.
Gainera, Olympiakos Greziako ligako liderra da eta 7 puntu ateratzen dizkio bigarren postuan dagoen AEK Atenasi. Poltsikoan du Kopako finalerako txartela, finalerdietako joaneko partidan AEK Atenas menderatu baitzuen 6-0eko ameitzarekin.
Mendilibar 2023-2024 denboraldiaren erdian iritsi zen Greziako taldera eta haren zuzendaritzapean Olympiakosek Konferentzia Liga irabazi zuen.