BBVA Liga
Bartzelonak hamaika puntuko abantaila du Real Madrilekiko
Erredakzioa
Kataluniako taldeak 0-4 irabazi dio Levanteri, eta BBVA Ligako lidergoan jarraitzen du. Hiru puntu ateratzen dizkio Atletico Madrili, eta hamaika puntu Real Madrili.
Bartzelonako jokalariak Levanteri sartutako lau goletako bat ospatzen. Argazkia: EFE
Bartzelonak marka guztiak hautsi behar ditu denboraldi hasiera honetan. Tito Vilanovaren agindupean Bartzelonak ez du partidarik galdu ligan.
Levanteren zelaian jokatu zuen Barçak igandean. Zelai zaila zen blaugranentzat, bi aste lehenago Real Madrilek asko sufritu behar izan zuen Ciutat de Valencian garaipena lortzeko. Levanteko jokalariek, ez zuten Real Madrilen aurka azaldutako oldarkortasunaren erdirik ere erakutsi Bartzelonaren aurka, eta talde katalanak 0-4 jipoitu zuen Levante.
Garaipen honi esker Bartzelonak jarraitzen du BBVA Ligako sailkapeneko lidergoan 37 punturekin, eta Atletico Madril da bigarren, liderrarengandik hiru puntura. Real Madrilek sailkapeneko hirugarren postua betetzen du Bartzelonarengandik hamaika puntura.