EA Sports Liga
Realak Lluis Companys Estadio Olinpikoan jokatuko du, Bartzelonaren aurka, igandean
EITB
Bartzelonak ofizialki jakinarazi du, asteartean, EA Sports Ligako zazpigarren jardunaldiari dagokion Bartzelona-Reala partida Lluis Companys Estadio Olinpikoan jokatuko dutela; neurketa igandean izango da, 18:30ean.
Ander Barrenetxea, aurreko denboraldiko Bartzelona-Reala partidan. Argazkia: Europa Press.
2025-26 denboraldiko EA Sports Ligako zazpigarren jardunaldiari dagokion Bartzelona-Reala partida Lluis Companys Estadio Olinpikoan jokatuko dute, igandean, irailaren 28an, 18:30etik aurrera, Kataluniako taldeak asteartean jakitera eman duenez.
Nolanahi ere, Spotify Camp Nouko lanak zelan doazen komunikabideei azaltzeko deitutako lan-saio tekniko batean, Bartzelonako Udalak iragarri du lanek ez dutela betetzen, oraindik, beharrezko segurtasun baldintzak, zelaia partzialki irekitzeko.
Horrenbestez, Realak Lluis Companys Estadio Olinpikoan jokatuko du, Ligako egungo txapeldunaren aurka.