Tomy Carbonellek 2028ra arte berritu du Realarekin

EITB

Publikatuta: 2025/10/22 16:37 (UTC+2) Azken eguneratzea: 2025/10/23 16:45 (UTC+2)

20 urteko erdilaria aurreko denboraldian ailegatu zen Realera; oraingoan, Gipuzkoako taldearekin duen harremana 2027-2028 denboraldiaren amaieraraino luzatu du.

Tomy Carbonell, IRUDIA: EUROPA PRESS

Tomy Carbonell Sanseko erdilariak Realarekin berritu du 2027-2028 denboraldiaren bukaerara arte, euskal taldeak asteazken honetan jakinarazi duenez.

20 urteko jokalaria aurreko denboraldian ailegatu zen talde txuri-urdinera; orain, akordio hau lotu du, Realarekin duen harremana 2028ra arte luzatzeko.