Bolada onean
Realak Europan lehiatzeko borroka betean jarraitzen du
Erredakzioa
Philipe Montanierren taldeak 44 puntu ditu, Malagak bezala. Txapeldunen Liga jokatzeko postuetan daude andaluziarrak.
Griezmann. Argazkia: EFE
Lehen Mailako denboraldia bukatzeko hamaika jardunaldi falta direnean, Realak sendo jarraitzen du Europako postuetan, eta geroz eta hurbilago dauka Txapeldunen Liga. Philippe Montanierrek entrenatzen duen taldeak 44 puntu ditu, Championseko postuetan dagoen Malagak dituen berdinak.
Xabi Prietoren golak garrantzi handiko garaipena eman zion igandean Realari, Atleticoren aurka (0-1). Balentria handia da donostiarrek lortutakoa; madrildarrek hamalau garaipen jarraian zeramatzaten etxean. Bolada onean da Reala, konfiantzarekin eta Europarako txartela eskuratzeko itxaropenarekin.
Hurrengo jardunaldian, Valladolid hartuko du Realak etxean (larunbatean, 16:00etatik aurrera).