16:00etan
Realak Malaga hartuko du gaur Anoetan, Xabi Prieto gabe
Erredakzioa
"Helburua partidaz partida joatea da, eta postua alde batera uztea", esan du Philippe Montanier Realeko entrenatzaileak Malagaren aurkako partidaren atarian.
Xabi Prietok ezin izango du jokatu Malagaren aurka. Argazkia: EFE
Realak Malaga hartuko du gaur Anoetan, 16:00etatik aurrera, eta partidaren atarian Philippe Montanier txuri-urdinen entrenatzaile mintzatu da.
Arrakastaren gakoa "hurrengo partidan baino ez pentsatzea" dela adierazi du frantziarrak, eta Malagaren kontra jokatzea "erronka" bat dela gaineratu du.
"Etxetik kanpo maila ona ematen ari dira. Txapeldunen Ligan dagoen talde baten kontra jokatzea erronka bat da", esan du. Gainera, andaluziarrek finalerdietarako txartela lortzea espero du Montanierrek.
"Helburua partidaz partida joatea da, eta postua alde batera uztea. Hurrengo partidan arreta guztia jartzea da gure arrakastaren gakoa. Dena eman behar dugu eta hobekuntzak landu", adierazi du.
Deialdia
Xabi Prietok kontraktura bat dauka, eta deialditik kanpo geratu da azkenean. Claudio Bravo eta Carlos Vela, bestalde, zerrendan sartu dira. Deialdi osoa honakoa da: Claudio Bravo, Zubikarai; Carlos Martinez, Dani Estrada, Mikel Gonzalez, Ansotegi, Iñigo Martinez, Cadamuro, De La Bella, Jose Angel; Markel Bergara, Ruben Pardo, Illarramendi, Zurutuza; Griezmann, Agirretxe, Ifran eta Vela.
Ustezko hamaikakoak:
Reala: Bravo; Estrada, Iñigo Martinez, Mikel, De la Bella; Illarramendi, Bergara, Zurutuza; Griezmann, Agirretxe eta Ifran edo Vela.
Malaga: Caballero; Sergio Sanchez, Lugano, Weligton, Antunes; Portillo, Iturra, Camacho, Isco; Morales eta Santa Cruz.
Epailea: Undiano Mallenco
Futbol-zelaia: Anoeta
Ordua: 16:00