Bosgarren jardunaldia
Realak %6ko probabilitatea du final-zortzirenetara sailkatzeko
Erredakzioa
Talde txuri-urdinak Ukrainan garaipena lortu eta Manchester Unitedek ere Leverkusenen irabaztea behar du Txapeldunen Ligan aukerak izaten jarraitzeko.
Realeko jokalariak Celtaren aurka lortutako garaipena ospatzen. Argazkia: EFE
Realak asteazken honetan jokatuko du Shakhtar Donetsken aurka Ukrainan, eta txuri-urdinek garaipena behar dute Txapeldunen Ligan bizirik jarraitzeko. Shakhtarri irabazi eta Manchester Unitedek Leverkusenen garaipena lortzea behar du Realak, bestela agur esango dio Championsari.
Talde gipuzkoarrak Txapeldunen Ligako final-zortzirenetara sailkatzeko duen probabilitatea, %6koa da. Jokatzeke dituen bi partidak irabazi behar ditu, eta Manchester Unitedek ere geratzen diren bi partidak irabaztea behar du talde txuri-urdinak.