Zozketa Suitzan
Realak Krasnodar talde errusiarraren aurka neurtuko ditu indarrak
Erredakzioa
Donostiarrek etxean, Anoetan, jokatuko dute lehen partida, abuztuaren 21ean. Itzulekoa Errusian izango da, astebete geroago.
Txuri-urdinek Anoetan jokatuko dute kanporaketako lehen partida. Efe.
Realak FC Krasnodar taldearen aurka jokatuko du Europa Ligako azken atarikoa, UEFAk Suitzan egindako azken zozketaren arabera.
Donostiarrek ostegunean lortu zuten hurrengo kanporaketarako sailkatzea, Aberdeen talde eskoziarra kanporatuta. Joaneko partidan 2 eta 0 gailendu ziren Anoetan. Eskozian ere nagusi izan ziren, 2 eta 3.
Krasnodarek bosgarren amaitu zuen Errusiako Ligan eta Europa Ligako aurreko kanporaketan 8 eta 1 jipoitu zuen Diosgyori talde hungariarra.
Donostiarrek etxean, Anoetan, jokatuko dute lehen partida, abuztuaren 21ean. Itzulekoa Errusian izango da, astebete geroago.