Zurutuza: 'Garrantzitsuena derbia irabaztea da, berdin dio nola'

Realeko erdilaria den David Zurutuzak aurreratu duenez, derbi “interesgarria” espero da igandean, non seguruenik defentsek erasotzaileek baino "garrantzi handiagoa" izango duten. Jokalariaren ustez, garrantsitzuena irabaztea da, edonola.

"Dirudienez, igandean euria egingo du, zelaia arina egongo da, eta biok jokatu ahal izango dugu”, adierazi du baikor Zurutuzak. Gainera, talde biak "puntu beharrean" dabiltzala nabarmendu du jokalariak.

Azken urteetako derbietan, Reala izan da nagusi baina Zurutuzak azaldu duenez, “derbi bakoitza ezberdina da”, alegia, ez du aurrekoaren antzik hainbat faktorek baldintzatzen baitute. Hala ere, joera hori eutsi nahi dio Zurutuzak "lasaitasuna" lortze aldera.

Oro har, irabaztearen garrantzia azpimarratu du behin eta berriz. Bere hitzetan, “Horrelako partidetan, sailkapenak, jokalarien egoera fisikoak, …ez dute axola; soilik, irabazteak.

Realak ezinbesteko du garaipena, Vila-realen aurkako norgehiagokan jasotako porrotaren ondoren, eta Zurutuzak dioenez, urtea ondo bukatzea komeni zaie.

Talde donostiarreko jokalariak aipatutako garaipen horren atzetik dihardu gogotsu, "konfiantza" berreskuratzea ondo datorkiela nabarmendu baitu.

 

baitu.