2. jardunaldia
Realak denboraldiko lehen garaipena lortu nahi du, Sportingi irabazita
Agentziak | Erredakzioa
David Moyesek konfirmatu egin du Asier Illarramendi deialdian izango dela, baina ez dago argi hasieratik jokatuko duen ala ez.
David Moyes. Argazkia: Efe.
Realak denboraldiko lehen garaipena lortu nahi du, Riazorren Deportivorekin hutsean egin ostean.
David Moyesen taldeak Gijoneko Sporting hartuko du. Partida berezia izango da donostiarrentzat, Asier Illarramendi txuri-urdinez jantzita izango baita berriro.
Dirudienez, David Moyesek hasieratik jarriko ditu aurreko jardunaldian, Riazorren, debuta egin zuten hiru fitxaketak: Jonathas brasildarra, Bruma portugaldarra eta Reyes mexikarra.
Sportingek Anoetan jokatu zuen azken partidan, duela lau urte, txuri-urdinak gailendu ziren 5-1.
Ustezko hamaikakoak:
Reala: Rulli; Zaldua, Diego Reyes, Iñigo Martínez, De la Bella; Rubén Pardo, Illarramendi, Xabi Prieto; Bruma, Carlos Vela, Jonathas.
Sporting: Cuéllar, Lora, Luis Hernández, Bernardo, Isma López, Sergio Álvarez, Nacho Cases, Carmona, Sanabria, Guerrero, Jony.
Epailea: Sánchez Martínez (murtziarra)
Estadioa: Anoeta. (Larunbatean, 18:30ean).