Recreativo-Reala, (2-0): Laugarren sailkatua sei puntura dago orain

Realak 2-0 galdu zuen Colombino zelaian Hulevako Recreativoren aurka eta sei puntura murriztu da laugarren sailkatua den Levanterekiko (52 puntu) zuen abantaila. Oso irudi kaskarra eman zuen Realak.

Lehen zatia oso kaskarra izan da. Ia ez da gol aukerarik egon eta egon direnean Recreativorentzat izan dira. Bi taldeetako bat ere ez zen gai izan zelai erdiaren kontrola hartzeko eta ez zen inor baloiaren jabe. Lehen 45 minutuetako aukerak Recreativok izan zituen. 14. minutuan Zubikaraik etxekoen lehen gola eragotzi zuen Carmonaren boleakada bati erantzun bikaina emanez. Hiru minutu beranduago, nerriro Zubikaraik Recreren gola eragotzi zuen Alvaro Antonen jauriketa kornerrera desbideratuz. Korner horretan, Ondarroako atezainak erantzun ona eman zion aurkari baten burukadari.

Recreren aukera sorta hau pasa ondoren ez zen gol aukera gehiago egon. Guaita Recreativoko atezainak ez zuen lanik eduki eta lehen zatia golik gabe bukatu zen (0-0).

Bigarren zatiaren hasieran gogotsu zelairatu zen Reala eta baloiaren jabe izan zen lehen minutuetan. Gol aukerak ere izan zituen talde txuri-urdinak. 54. minutuan Jonhatan Estradaren jaurtiketa bikain desbideratu zuen Guaita atezainak eta hurrego jokaldian Zurutuzaren jaurtiketa langa urratuz kanpora joan zen. Aukera horiek huts egin ondoren Reala behera etorri zen eta orduan Recreativok 1-0ekoa sartu zuen. Carmonak area kanpotik jaurti, Zubikaraik desbideratu zuen eta errebotean Brauliok txilenaz sare barrura bidali zuen baloia.

Golak min egin zion Realari eta txuri-urdinak ez ziren erreakzionatzeko gai izan. Recreativok ondo maneiatu zituen azken minutuak. 89. minutuan Brauliok baloia lapurtu zuen, area barrura sartu eta Zubikaraik penalti argia egin zion. Realaeko atezainak txartel gorria ikusi zuen. Hiru aldaketak eginak zituen Lasarte entrenatzaileak eta Carlos Martinez jarri zen atepean. Jesus Vazquezek jaurti zuen penaltia eta 2-0ekoa jarri zuen markagailuan. Emaitza honekin (2-0) bukatu zen partida.

Fitxa teknikoa:

2 - Recreativo:Guaita; Raul Camara, Iago Bouzon, Troest, Peña; Carmona (Aitor, 79. min), Javi Fuego (Jesus Vazquez, 72. min), Barber, Alvaro Anton; PabloSanchez (Oscar Diaz, 59. min) eta Braulio.

0 - Reala:Zubikarai; Carlos Martinez, Ansotegui, Mikel, De la Bella; Aranburu,Diego Rivas (Griezmann, 78. min); Xabi Prieto, Zurutuza (Sergio, 87. min), Johnatan; eta Carlos Bueno (Agirretxe, 65. min).

Golak: 1-0: 63. min, Braulio. 2-0: 90. min, Jesus Vazquez, penaltiz.
Epailea: Ignacio Iglesias Villanueva.

Horrela bizi izan dugu Realaren partida eitb.com-en.