Bigarren Mailako euskal derbia
Real Union-Reala, (0-0): Partida kaskarra eta puntu banaketa
Andoni Beldarrain
Erredakzioa
Bi taldeetako bat ere ez da gola sartzeko gai izan eta puntu banarekin konforme azaldu dira bi taldeak.
Real Unionek eta Realak Irungo Stadium Galen jokatu duten euskal derbia ez da espero zena bezalakoa izan. Joko kaskarra erakutsi dute bi taldeek eta gol aukera gutxi egon dira. Golik gabe bukatu da partida (0-0).
Norgehiagoka erritmo biziarekin hasi zen, baina gol aukerak ez ziren ugariak izan lehen 45 minutuetan zehar. Lehen aukera irundarrek izan zuten Juan Dominguezen jaurtiketa batekin. Realak ez zuen gol aukerarik sortu 27. minutura arte. Orduan Jauregi atezainak erantzun bikaina eman zion De la Bellaren jaurtikerari. Bi minutu beranduago Mikel Gonzalezek burukada langa gainetik kanpora bota zuen atepean baloia bultzatu bakarrik egin beharra zeukanean. Jauregik berriro Realaren gola eragotzi zuen 36. minutuan Xabi Prietoren jaurtiketa desbideratuz. Lehen zatiko azken minutuan Eneko Romok 1-0ekoa sartzeko aukera izan zuen, baina bere burukada zutoina urratuz kanpora joan zen. Lehen zatia golik gabe bukatu zen (0-0).
Bigarren zatiaren hasieran Reala izan da baloiaren jabe eta bereak izan dira gol aukera onenak. Nsuek 46. minutuan jokaldi ona egin zuen, Jauregi atezainari izkin egin eta baloia sare barrura zihoanean Gerlok gola eragotzi du. Ondoren Real Unionen erantzuna etorri zen. 57. minutuan Asier atepean bakarrik zegoen eta baloia langa gainetik kanpora bidali zuen gol aukera nabarmena huts eginez. Ordutik partida amaierara arte gol aukera gutxi. Zurutuzak area barrutik eginiko jaurtiketa gora joan zen 64. minutuan. Agirretxek bi gol aukera izan zituen, baina ezin bat ere sare barrura bidali. Lehenengo errenatea buruz egin zuen eta Jauregi atezainak harrapatu zuen baloia eta bigarren aukeran area kanpotik egin zuen jaurtiketa gutxigatik kanpora joan zen. Azken minutuetan Real union saiatu zen, baina partida golik gabe bukatu zen (0-0).
Fitxa teknikoa:
0. Real Union: Jauregi; Descarga, Lacruz, Gerlo, Gurrutxaga; Markel Robles (4. min6, Beobide), Romo, Quero (73. min, Abasolo), Juan Dominguez, Salcedo (59. min, Duran); Brit.
0. Reala: Zubikarai; Carlos Martinez; Ansotegi; Mikel Gonzalez; De la Bella; Rivas, Aramburu, Xabi Prieto, Zurutuza (69. min, Songo×o), Griezmann (81. min, Viguera); Nsue (74. min, Agirretxe).
Epailea:&' || 'nbsp;Pino&' || 'nbsp;Zamorano.
Horrela bizi izan dugu euskal derbia eitb.com-en.