Asteburu honetan ez
Igoera ospatzeko itxaron beharko du Realak
Erredakzioa
Real Unionek Levante gainditu du (2-1), baina Cartagena ez da Hercules mendean hartzeko gai izan (0-0) eta donostiarrek ezin izan dute igoera ziurtatu. Hurrengo asteburuan Celta hartuko dute etxean.
Realak igoera ziurtatzeko aukera izan du asteburu honetan. Larunbatean Betisen porrota behar zuen talde txuri-urdinak, baina andaluziarrek ez zuten Numantziaren aurka huts egin eta 2-0eko garaipena eskuratu zuten.
Gaur, igandean, Real Union-Levante eta Cartagena-Hercules neurketak izan dira gakoak. Levantek porrota jaso behar zuen Stadium Galen eta hala gertatu da. Irundarrek 2-1 irabazi dute Juan Dominguez eta Seguroren golekin. Baina Cartagenak ezin izan du Hercules mendean hartu (0-0) eta Lasarteren taldeak hurrengo asteburura arte itxaron beharko du Lehen Mailarako txartela matematikoki lortzeko.
Hurrengo asteburuan Celta hartuko du etxean Realak, jada mailari eutsi dion Celta.