Zurutuzak II. graduko lesioa du ezker hankako soleo giharrean

David Zurutuzak min hartuta amaitu zuen Realak Betisen aurka jokatu zuen partida eta astelehen honetan egin dioten ekografiaren ondoren, klubeko medikuek jakinarazi dute, jokalariak bigarren graduko lesioa duela ezker hankako soleoko giharrean.

"Hasierako plana atseden hartzea izango da eta fisioterapiako tratamendua izango du. Sintomen eboluzioak markatuko du ohiko lanera noiz itzuliko den", gaineratu du osasun-parteak. Medikuek ez dute zehaztu jokalariak bajan emango duen epea.