Errusia 2018
Belgikak Mundialerako behin-behineko zerrendan sartu du Januzaj
EITB.EUS
Alvaro Odriozola eta Hector Moreno taldekideek ere Errusian izateko deialdia jaso dute.
Adnan Januzaj Realaren elastikoarekin Gironaren aurkako partidan. Argazkia: EFE
Roberto Martinez Belgikako hautatzaileak Adnan Januzaj Realeko jokalari belgikarra sartu du Errusiako Mundialean izateko aurrelistan.
Futboleko Mundu Txapelketa ekainaren 14tik uztailaren 15era bitartean jokatuko da, eta erasoko jokalari txuri-urdina bere selekzioak astelehen honetan jakitera eman duen 28 jokalariz osatutako behin-behineko zerrendan dago.
Horrenbestez, hiru dira uda honetan Errusian jarduteko deia jaso duten taldekide txuri-urdinak: Januzaj (Belgika), Alvaro Odriozola (Espainia) eta Hector Moreno (Mexiko).