Europa, puntu bakarrera
Reala-Valentzia: Etxeko bolada onari jarraipena eman nahi diote
Erredakzioa
Etxean 15 puntu batu ditu orain arte Realak eta Real Madril eta Atletico taldeak, bakarrik, izan dira Anoetan irabazteko gai. Deialdian Agirretxe Vigueraren ordez sartu da.
Valentziaren bisitari aurre egiteko deialdian aldaketa bakarra egin du Martin Lasartek (larunbatean 22:00etan). Agirretxe sartu du Vigueraren ordez. Bartzelonan jasotako gol-zaparrada ahaztu nahi dute etxeko bolada onari jarraipena emanda.
Talde txuri-urdina bederatzigarren postuan da eta UEFA postuak puntu bakarrera ditu. Etxean 15 puntu batu ditu orain arte eta Real Madril eta Atletico taldeak, bakarrik, izan dira Anoetan irabazteko gai.
Ustezko hamaikakoak:
Reala: Bravo; Carlos Martinez, Ansotegi, Mikel Gonzalez, De la Bella; Rivas, Aranburu, Griezmann, Xabi Prieto, Zurutuza; eta Joseba Llorente.
Valentzia: Cesar edo Guaita; Bruno, Stankevicius, Ricardo Costa, Jordi Alba; Maduro, Tino Costa, Joaquin, Mata; Aduriz eta Soldado.
Epailea: Iglesias Villanueva
Futbol-zelaia: Anoeta.
Ordua: 22.00.