2023ra arte
Mikel Merino, Realeko jokalaria
Erredakzioa
Talde txuri-urdinak ofizial egin du erdilaren fitxaketa. Bost urterako kontratua sinatu du Merinok Realarekin, 2023. urteko ekainaren 30era arte.
Your browser doesn’t support HTML5 video
Realak Mikel Merino fitxatu du datozen bost denboraldietarako, hau da, 2023. urteko ekainaren 30era arte. Nafarroako erdilaria Newcastle taldetik dator eta ostiralean egingo du bere lehen lan-saioa taldekide berriekin.
Merinoren aurkezpena datozen egunetan egingo da Zubietan, Anoetan ezin baita egin birmoldatze lanak direla eta. Osasunaren harrobiko jokalaria da, Borussia Dortmundek fitxatu zuen, eta handik Newcastle taldera joan zen.
Zelai erdian jokatzen du Mikel Merinok eta postu hori indartzeko fitxatu du Realak. Xabi Prietoren erretiroaren eta Sergio Canalesen irteeraren ostean, Asier Illarramendi, Igor Zubeldia eta Ruben Pardo dira Realak dituen erdilariak. Orain, Merino gehitu zaie jokalari hauei.