Bigarren itzulia hasi da
Vila-real-Reala: Porrota Madrigalen (2-1)
Erredakzioa
Partidak ihes egin dio talde txuri-urdinari atzealdean egindako bi huts nabarmenen ondorioz. Aranburuk egin du txuri-urdinen gola; Vila-realena, Rossik.
Realak ezin izan du Vila-realekin eta galdu egin du Madrigalen. Etxekoen golak Rossik egin ditu; txuri-urdinena,&' || 'nbsp;Aranburuk.
Realak kontraerasora jokatzeko asmoa erakutsi du eta partida alde jarri zaio partida hasi eta gutxira, 30. minutuan Mikel Aranburuk taldearen gola egin baitu.
Une horretara arte, Vila-realek baloia ukitu eta erabili du nahi beste, baina indarrik gabe heldu da area ertzera. Bitartean, Realak kontraerasoa eta Joseba Llorenteren burua bilatu ditu.
Horrela heldu da lehenengo gola. Llorentek baloia utzi dio buruz Aranbururi eta honek, buruarekin ere, Diego Lopez atezaina gainditu du. Eraginkorra izan da Reala oso. Aukera bat, gol bat.
Vila-realek ez du zelaian lekua galdu golaren ostean eta kontrol-jokoarekin jarraitu du, baina behin eta berriz Claudio Bravo txiletarra aurkitu du.
Baina hamar minutu besterik ez dira pasatu Santi Cazorla agertu den arte. Baloi bat ostu du zelai-erdian, eta maisuki baloia laga dio Giuseppe Rossiri. Oraingo honetan, Bravoren aurrean, ez du huts egin (40. minutua).
Golak Vila-reali airea eman dio, eta buelta eman dio markagailuari bigarren zatiko bigarren minutuan. Berriz ere Cazorla izan da jokaldiaren asmatzailea. Realaren irteera moztu eta berriz ere Rossi bakar-bakarrik utzi du atezainaren aurrean, bigarrena egiteko.
Minutu bat geroago hirugarrena heldu ahal izan da. Cazorlak langara bidali du bere jaurtiketa. Vila-realen unerik onenak izan dira, nagusi izan dira eta gol gehiago egiteko aukera izan dute.
Saiatu da Vila-real egin ohi duen bezala, bere estiloa markatuz, baina Realak ez dio utzi. Hala ere, hiru puntu gehiago batu ditu, hirugarren postuari eusteko. Reala hamaikagarren postuan da.
Fitxa teknikoa:
2 - Vila-real: Diego López, Mario, Gonzalo, Musacchio, Capdevila, Bruno, Borja Valero (Cicinho, Min. 85), Cani (Marchena, Min. 77), Cazorla, Rossi, Marco Rubén.
1 - Reala: Bravo, Estrada, Ansotegui, Markel (Sarpong, Min. 56) Mikel González, Rivas (Illarra, Min. 81), Labaka, Xavi Prieto, Aranburu, Griezman, Llorente (Tamudo, Min. 56).
Golak: 0-1: m. 30, Aranburu. 1-1: m. 40, Rossi. 2-1: m. 46, Rossi.