Entrenamendua Biarritzen
Zurutuza: 'Helburua gertu izango dugu, San Mamesen irabazita'
Erredakzioa
Jokalari txuri-urdinak, Bilbon hiru puntuak lortu behar dituztela, argi eta garbi utzi du prentsaurrekoan.
Gipuzkoarrek Biarritzen egin dute lan saioa, Herri Urratsen aldeko ekitaldi batean. Sportingen aurka garaipen garrantzitsua lortu ostean, taldean lasaitasuna nabaria da, David Zurutuzak adierazi duen bezala.
"Atzoko garaipena buruan daukagu oraindik, baina bihartik aurrera derbian jarri beharko ditugu indarrak. Partida berezia izango da, ikusleentzat ederra eta badakigu gure helburua lortzeko hiru puntuak lortu beharko ditugula San Mamesen" adierazi du Zurutuzak.
Gainera, Antoine Griezmannen hitzetan, asturiarren aurkako garaipenak konfiantza eman dio taldeari: "Norgehiagoka oso garrantzitsua zen, finala, eta orain animatuta eta konfiantzarekin gaude".