Nahikarik kontratua berritu du Realarekin, 2021era arte

Realak akordioa lortu du Nahikari Garcia jokalariarekin, bi aldeak lotzen dituen kontratua 2021eko ekainaren 30era arte luzatzeko. Jokalari txuri-urdinak ekainaren 30ean bukatzen zuen kontratua. Aurrelari gazteak Realaren proiektuaren aldeko apustua egin du, hazten jarraitzeko.

Nahikarik bere ilusioa eta poztasuna agertu du Realaren telebistan: "Realaren momentua da, kluba egiten ari den proiektuan sinesten dut, eta lehen eguneko ilusio eta gogoarekin nago".