Lesioa
Peronea hautsita izateaz gain, lotailu bat ere minduta dauka Illarramendik
AGENTZIAK | ERREDAKZIOA
Astelehen honetan egin diote ebakuntza, eta bi hilabete emango ditu gutxienez jokatu ezinda.
Asier Illarramendik zelaia min hartuta utzi zuen unea. Argazkia: Reala
Asier Illarramendi Realeko jokalariari ebakuntza egin diote astelehen honetan ezker hankako peroneko haustura bideratze aldera.
Mutrikuko erdilariak Athleticen aurka San Mamesen jokatutako euskal derbian min hartu eta zelaia utzi behar izan zuen joan zen ostiralean.
Alabaina, gaur egindako ebakuntzan, jakina zen lesioaz gain, ezker orkatilako lotailua minduta duela antzeman dute medikuek. Azken lesio hori sendatzeko asmoz, torloju bat jarri diote, hemendik 6-8 aste barru kenduko zaiona.
Illarramendik egun bat edo bi emango ditu ospitalean senda-agiria jaso aurretik.