Entrenamendua
Reala hasi da Vila-realen aurkako partida prestatzen
Erredakzioa
Talde txuri-urdinak Gabonetako oporren osteko lehen entrenamendua egin du Zubietan, eta arazorik gabe joan da lansaioa.
Your browser doesn’t support HTML5 video
Realak Gabonen osteko lehen entrenamendua egin du astelehen honetan Zubietan. Talde txuri-urdina hasi da Vila-realen aurka urtarrilaren 5ean Reale Arenan jokatuko duen partida prestatzen. Illarramendi, Zurutuza eta Elustondo jokalariak falta izan dira lansaio honetan, Sangallik bakarkako lana egin duelarik.
Talde txuri-urdinak joko-maila bikaina eskaini du Ligan, orain arte jokatutako 18 jardunaldietan, eta bolada on horri eutsi nahi dio. Izan ere, Realak 34 punturekin amaitu dezake Ligako lehen itzulia, baina horretarako garaipena lortu behar du Vila-realen aurka.
Imanol Alguacil entrenatzaileak ETBri adierazi zionez, talde txuri-urdina edozertarako gai ikusten du, eta ez du baztertzen denboraldia Txapeldunen Ligako postuetan amaitzea. Horixe izango da txuri-urdinen helburua 2020rako.