Koronabirusa
David Silvak koronabirusa dauka
EITB.EUS
Bart iritsi da Las Palmasetik, gaur goizean egin diote PCR proba eta positibo eman du. Ez dauka sintomarik eta isolatuta dago.
David Silva. Argazkia: Efe
David Silva koronabirusarekin kutsatuta dagoela jakinarazi du arratsalde honetan Realak. Goizean egin diote PCR proba Gipuzkoa Poliklinikan, eta positibo eman du. Lehendabiziko testa joan den ostiralean egin zioten, Las Palmas Kanaria Handikoan, eta negatibo eman zuen.
Klubak ohar batean azaldu duenez, atzo hartu zuen Bilborako hegazkina, eta gauean iritsi zen Donostiara. "Goizean egin diote bigarren proba eta positibo eman du", erantsi du.
Realaren arabera, jokalariak oraindik ez du taldekideekin harremanik izan, isolatuta dago eta ez du gaitzaren sintomarik.
Talde txuri-urdinak erantsi du osasun agintariak jakinaren gainean jarri dituela.