Osasun-txostena
Monrealek lehen graduko lesioa du ezker hankako bizeps femoralean
Erredkzioa
Realak ez du argitu hegaleko defentsa Valladoliden aurka jokatzeko prest egongo den Ligako lehen jardunaldiko neurketan, irailaren 13an.
Navho Monreal, Rosalesi baloia kendu nahian, Reala - Leganes partidan. Argazkia: EFE
Nacho Monreal Realeko jokalariak lehen graduko lesioa du ezker hankako bizeps femoralean, ostegun honetan talde txuri-urdinak jakinarazi duenez. Klubak ez du zehaztu hegaleko defentsak zenbat denbora emango duen jokatu ezinik.
Monrealek min hartu zuen irailaren 2an Realak Vila-realen aurka (2-0) jokatu zuen denboraldi-aurreko partidan. Jokalari txuri-urdinak zelaia utzi behar izan zuen 35. minutuan, lesionatuta.
Klubak zabaldu duen osasun-txostenaren arabera, jokalaria hasi da fisioterapia tratamendua hartzen. Ez da lanera bueltatzeko eperik zehazten, baina Monreal zalantzan dago Realak irailaren 13an Valladoliden aurka jokatu behar duen Ligako lehen jardunaldiko partidarako.