BBVA Liga
Aranburu: 'Partida asko daramatzagu irabazi gabe'
Erredakzioa
Realeko jokalariak Espanyolen kontra irabazteko konfiantza adierazi du.
Mikel Aranburu. Argazkia: EFE
Mikel Aranburuk, Realeko kapitainak, astearte honetan adierazi duenez, taldeak "garaipen bat eskaini nahi die zaleei". Azpeitiko jokalariak taldea oso ondo entrenatzen ari dela adierazi du: "Espanyolen kontrako partidan pentsatzen gaude eta topera entrenatzen dugu partida horretara egoera onenean heltzeko".
Bestalde, taldeko kapitainak ez du ukatu taldean "kezka puntu bat" daukatela, "partida asko izan baitira irabazi gabe". Horrela, igande honetako norgehiagokari erreferentzia egin dio: "Une zailenetan batasuna erakutsi behar da".
"Hasieratik, ondo atera behar gara", azpimarratu du azkenik, taldea eta zaleak batera joateko deia eginda.