Reala-Osasuna: Biek gehiago nahi dute

Realak Osasuna hartuko du larunbat honetan Anoetan (18:00etan). Txuri-urdinak bolada onean dira, baina Osasuna ere ondo ari da Ligako azken jardunaldietan eta Europako postua sendotu nahi du.

Donostiarrek ez dute porrotik jaso Ligako azken bost partidetan. Azken hilabetean Kopako kanporaketa bat gainditu dute, final-laurdenetarako txartela bideratuta utzi dute eta, orain, gehiago nahi dute zaleek. Ezustekorik ezean, Montanierrek Mallorcaren aurka zelairatutako jokalari ia guztiak erabiliko ditu. Claudio Bravo atera itzuliko da.

Osasunak, bestalde, FC Bartzelonaren aurka, Kopan, jasotako gol zaparrada (4-0) ahaztu nahi du. Ligan ohikoak diren jokalariak berreskuratuko ditu Jose Luis Mendilibarrek.

Ustezko hamaikakoak:

Reala: Bravo; Estrada, Mikel Gonzalez, Iñigo Martinez, De la Bella; Elustondo, Aranburu, Griezmann, Xabi Prieto, Zurutuza; Agirretxe.

Osasuna: Andres edo Riesgo; Damia, Sergio, Miguel Flaño, Satrustegui; Puñal, Nekounam; Ibrahima, Timor, Lamah; eta Nino.