Mariga, ordezkoa
Reala: Elustondo Valentziaren aurka jokatzeko zalantza da
Erredakzioa
Erdilariak tendinopatia du orkatilean eta larunbaterako zalantza da. Bere tokia Macdonald Mariga nigeriarrak hartuko luke.
Gorka Elustondo. Argazkia: EFE
Realeko Gorka Elustondo erdilaria zalantza da Unai Emeryren Valenztiaren aurkako neurketarako. Erdilari gipuzkoarra hasierako hamaikakoetan ohikoa izan da azken partidetan, baina orkatileko tendinopatia bat dela eta etxean gelditu daiteke larunbatean.
Philippe Montanierren arbelean jokalari garrantzitsua bilakatu da Elustondo eta hasierako hamaikakoan tokia hartu zuenetik txuri-urdinek ez dute porrota ezagutu.
Elustondoren ordez, Macdonald Mariga sartuko litzateke hasierako hamaikakoan. Nigeriako jokalaria Interretik lagatuta heldu da urte baterako, baina oraindik ez du bere tokia aurkitu Donostiako taldean.